Америка ги предупредила сиријските власти дека има индиции за подготовки на нов хемиски напад и го предупреди претседателот Башар Ал-Асад дека ако истиот се случи, виновни ќе бидат и тој и Русија.
Според Белата куќа, активностите кои тие ги следеле во Сирија, биле слични на амбиентот пред да се случи последниот хемиски напад, по кој Доналд Трамп нареди бомбардирање на воена база на Сирија.
„Како што имаме нагласено, Америка е присутна во Сирија за да го елиминира ИСИС. Сепак, доколку, Ал-Асад спроведе нова масовна егзекуција со хемиско оружје, тој и неговата војска ќе платат висока цена“, се вели во соопштението на Белата Куќа.
Амбасадорката на САД во Обединетите Нации, Ники Хејли исто така, преку Твитер порача дека и сојузниците на претседателот Ал-Асад, Русија и Иран ќе бидат одговорни ако нешто се случи.
„Доколу се случи повторно напад врз сиријското население, за тоа одговорни ќе бидат Асад, но и Русија и Иран кои го поддржуваат додека тој си го убива својот народ“, се вели во нејзиниот Твит.