Јужна Кореја и САД денеска ги започнаа годишните, досега најголемите воени вежби, што ќе се одржуваат до петок, а во кои ќе учествуваат 230 авиони, вклучително и шест, „невидливи“ ловци „!Ф-22 Раптер“, исто толку ловци-бомбардери од петта генерација Ф-35А и два стратешки бомбардери „Б-1Б Ленсер“.
Вежбите започнуваат само една недела откако Северна Кореја ја лансираше најусовршената балистичка интерконтинентална ракета досега.
Учесниците за време на маневрите ќе симулираат различни сценарија, вклучително и извршување напади со голема прецизност врз цели кои претставуваат копии на објектите во Северна Кореја, каде се претпоставува дека се наоѓа нуклеарно оружје.
Според Вашингтон, воените вежби на САД и Јужна Кореја имаат за цел да ја зајакнат подготвеноста и оперативните можности на армиита на двете земји, како и да ги гарантираат мирот и безбедноста на Корејскиот Полуостров.