САД „ја држат вратата отворена“ за воено решавање на прашањето за провокативното однесување на Северна Кореја, изјави вчера секретарот за одбрана, Џејмс Матис
-Ако САД и нејзините сојузници досега не собориле ракета на Северна Кореја, тоа е бидејќи Пјонгјанг се уште не истрелал таква што директно се заканува на американска или јапонска територија. Ова, сепак може да се промени. Севернокорејските проектили засега паѓаат во средината на океанот. Но, ако тие се насочени против Гуам или територија на САД, тоа ќе наложи друг одговор, изјави Матис.
Матис, исто така, верува дека САД пронашле начини за решавање на нуклеарното прашање без да го доведат во ризик главниот град на Јужна Кореја Сеул, кој е само околу 50 км од демилитаризираната зона долж границата меѓу двете Кореи и е многу ранлив. Тој, сепак одби да открие какви се овие начини, пишува весникот Њујорк тајмс.
Матис не кажа како Вашингтон може да ги избегне овие ризици, прибегнувајќи кон „воената опција“. Исто така, избегнувал да каже дали овие опции ќе бидат „кинетички“, што на воен јазик значи смртоносни акции како што се бомбашки напади, воздушни напади или копнени операции.
Матис, сепак, истакна дека дипломатијата и санкциите засега извршиле притисок врз Пјонгјанг, кој се наоаѓа во се поголема изолација.