Санитарна инспекција влезе на имотот „Мар-а-Лаго“ на американскиот претседател Доналд Трамп на Флорида, а како што открива „Вашингтон поста“, во кујната на тој ексклузивен приватен клуб најдени се низа неправилности.
Како што пренесува весникот, инспекцијата влегла на 26 јануари во „Зимската Бела куќа“ на Трамп на Палм Бич и открила повеќе од 12 прекршоци кои би можеле да се означат како „прекршоци од висок приоритет, бидејќи можат да предизвикаат болести или повреди“.
Во два ладилници инспекторите откриле дека месото не се чувало на прописна температура, како и дека рибата, која се сервирала сирова или не била доволно зготвена, паразитите не биле уништени .
Освен тоа, инспекторите утврдиле и дека фрижидерите не биле одржувани на прав начин, како и дека садоперот во кој вработените ги миеле рацете немале топла вода, ниту уред за сушење на рацете, а некои вработени не носеле заштитни капи кога го подготвувале јадењето на гостите.
„Овие прекршоци се воочени во текот на вообичаена контрола, не бевме повикани поради одредени обвинувања“, открил директорот за комуникација во санитарната инспекција, Стивен Лоусон, и додаде дека прекршоците на лице место се исправени и просториите за подготвување на храна веднаш се вратени во функција.
„Вашингтон пост“ додава дека веста за кршење на прописите во однос на чистотата се коси со љубовта на Трамп кон хигиената. Безбедноста на храната е еден од приоритетите на Трамп.