Тренерот на Јувентус, Маурисио Сари, во пресрет на градското дерби против Торино, изјави дека овие дуели се поважни за „биковите“ отколку за „старата дама“, но тоа не значи дека нема да одат на победа и да покажат кој е главен во градот.
Главма тема во фудбалска Италија во последната недела се спорните судиски одлуки и примената на ВАР технологијата. Сари смета дека со видео-технологијата го нема очекуваното подобрување во одредени сегменти.
„Ми се допаѓа кога судиите делат правда на терен. Но, правилата си се правила и треба да се почитуваат, иако некои се неприфатливи како регулацијата за играње со рака и кога е пенал, а кога не. ВАР е воведен за микроскопски грешки, но јас сум против ако снимка се гледа три до четири пати во текот на еден натпревар“, истакна Сари.