Социјалдемократскиот Сојуз реагира дека на последната владина седница, техничката Влада на чело со премиерот Емил Димитриев разгледувала информација за склучување Договор за одбегнување на двојно оданочување со островот Џерси

„Техничката Влада на премиерот Емил Димитриев на последната владина седница наместо да разгледува информации за прочистување на Избирачкиот список и создавање на услови за регуларни и фер избори разгледуваше информација за склучување на Договор за одбегнување на двојно оданочување со островот Џерси.

Станува збор за држава позната како даночен рај со којашто техничката Влада на Димитриев очигледно ќе воспоставува соработка.

Дали приоритетот на техничката Влада на Димитриев е склучувањето на Договор со даночниот рај Џерси пред исполнувањето на условите за фер и регуларни избори што е всушност основна функција на оваа техничка Влада одредена со Договорот од Пржино?

Прашањето до Димитриев е дали Џерси е првиот даночен рај пред потпишување на официјален Договор? И дали откако беа откриени фирмите во Белизе, Џерси треба да биде новата пералница на пари за криминалите на власта?“ прашува СДСМ.