СДСМ на денешната прес конференција најави дека ќе го оспори незаконското задолжување со еврообврзницата.
„Одлуката да се издаде еврообврзница на износ од 650 милиони евра е финансиско злосторство врз граѓаните, економијата и идните генерации. Само на меѓународните пазари, Никола Груевски има намера да ги задолжи граѓаните за нови 1 милијарда и 420 милиони евра! Со најавеното издавање на еврообврзница на износ од 650 милиони евра, јавниот долг и официјално ќе го надмине износот од 5 милијарди евра или 54% од БДП. Тоа се 5 милијарди евра на грбот на идните генерации.“, изјави на денешната прес конференција претседателот на Комисијата за финансии на СДСМ.
Според Наумов, одлуката за Еврообврзница е криминална во мометот на изгласување бидејќи ребалансот со кој се планира зголемување на сумата на странски задолжувања не беше ни предложен до Собранието.Ниту со се уште неизгласаниот ребаланс на Буџетот не се предвидени 650 милиони евра задолжување од странски.
Со ставањето потпис на издавањето на еврообврзницата Миноски ќе биде директниот извршител на ова финансиско злосторство. За ова, рече Наумов, Миновски и сите инволвирани, ќе понесат кривична одговорност согласно законите, по промената на власта.
„Ги известуваме Сити Банк, Дојче Банк, Ерсте Банк и Сосиете Женерал, како агенти за издавањето на најавената еврообврзница дека согласно Законот за Влада, се уште на сила се законски норми како и при издвањето на четвртата еврообврзница.“, изјави Наумов.
Тој предупреди дека соколку не биде испочитувана истата правна процедура, како при издавањето на таа еврообврзница, тогаш по промената на власта ќе го оспорат ова задолжување како законски јавен долг.