Социјалдемократскиот сојуз потенцира дека секој кој учествувал во неконтролираните задолжувања на граѓаните во земјава ќе одговара.
Како што стои во соопштението на СДСМ, власта на Никола Груевски девет месеци по ред во 2016 година ги задолжува граѓаните по 2 милиони евра на ден, односно дека само во последните девет месеци јавниот долг е вртоглаво зголемен над пола милијарда евра или 532 милиони евра!
– Вкупниот јавен долг, вчера достигна историски 4 милијарди и 760 милиони евра. Никола Груевски лично 10 години беше премиер, а од партискиот замок тежок до 30 милиони евра продолжува да ги задолжува граѓаните преку неговиот извршител Кирил Миноски во Министерството за финансии. И Миноски уште се обидува да го правда Груевски? Ќе одговараат сите кои учествувале во неконтролираните задолжувања, потенцира СДСМ.