„Поготвени сме да чекаме и децении, нема да има уставни измени“ е досега најсилно признание на Мицкоски за изолацијата во којашто ја турка земјата. Со него и неговата Организирана криминална група Македонија никогаш нема да стане членка на ЕУ, соопштуваат од СДСМ.
Ова значи со децении загарантирана сиромаштија, уште поголемо иселување на младите, криминал и корупција без контрола врз грбот на граѓаните.
Мицкоски со часовници од 60.000 евра, вредни 150 минимални плати, со бизнис мрежа и тендер коалиција која врти милиони им вели на граѓаните дека ќе чека децении. Ама напатениот народ и работниците кои едвај врзуваат крај со крај, со ниски плати и високи цени, ќе бидат принудени да земаат бугарски пасоши за спас.
Целта на Мицкоски е ВМРО-ОКГ/ЗНАМ да си делат криминални тендери а народот да трпи.
Мицкоски излажа дека ќе го врати името, излажа дека ќе обезбеди подобра преговарачка рамка, одложено дејство.
Мицкоски клечеше и молеше за власт, лажејќи го народот дека ќе го промени името, а сега поради него: Македонија е на колена. Предадени се националните интереси.