Институциите имаат обврска да постапуваат согласно законските процедури, мора да има одговорност за сите учесници во насилството од 27 април, се вели во соопштението од владејачката СДСМ.

-Македонија е сериозна, демократска држава, со институции коишто имаат обврска пред граѓаните и Уставот да постапуваат согласно јасни законски процедури, за целосно расчистување на настаните од 27-ми април и соодветна законска одговорност на сите инволвирани.

Насилството на 27 април беше напад врз демократијата во Република Македонија, врз уставниот поредок, обид за загрозување на животот на пратеници, а со тоа и напад врз сите граѓани на Република Македонија, велат од владејачката партија, при што се истакнува дека институциите имаат кредибилитет и должност да го расветлат случајот, заради потребата од правда и владеење на право во Република Македонија, за ваков случај никогаш да не се повтори.