На денешната седница седница на Собранието пратениците ќе расправаат за три предлог закони, за минимална плата, за стечајците и за укинување радиодифузната такса.
Како што рече Јован Митрески, пратеник од СДСМ, овие законски решенија ќе имаат директен и непосреден позитивен ефект врз секојдневното живеење на илјадници граѓани.
-Со измените и дополнувањата на Законот за минимална плата ќе се обезбеди покачување на минималната плата на 12.000 денари нето износ за сите вработени. Тоа значи усогласување минималната плата на вработените во текстилната и индустријата за производство на кожа, кои што изминативе години бea обесправени и земаa плата пониска од утврдената минимална плата, рече Митрески на прес конференцијата.
Со изгласувањето на Предлог-законот за материјално обезбедување на невработените лица поради приватизација на претпријатијата со доминантна сопственост на државата или популарно наречениот Закон за стечајци ќе се овозможи, како што рече, материјално да се обезбедат над 3.500 лица на кои им престанал работниот однос по основ на стечај, ликвидација или технолошки вишок во периодот од 1995 година заклучно до 30 јуни 2017 година.
Овие лица ќе имаат можност да стекнат право на паричен надомест во висина од 7.596 денари. Оваа мерка за нив ќе значи редовен приход и исправање на децениската неправда што им беше нанесена.
Денеска ќе се расправа и за мерката за укинување на Радиодифузната такса, што така беше предизборно ветување од СДСМ.