Во ревозорскиот извештај за Агенцијата за вработување откриено е дека таму биле ангажирани работници, хигиеничари и портир без склучен договори со нив како што наложува Законот за работни односи или договори за услуга како што е предвидено со Законот за агенциите за привремени вработувања.
„Ваков ли е наводниот проект „Македонија вработува“ на обвинетиот Никола Груевски, што го спроведува власта токму преку оваа Агенција? Ако Агенцијата за вработувања ангажира работници “на црно“, што се случува во другите државни институции?! Што се случува во другите правни субјекти? Кадрите на Груевски и ВМРО-ДПМНЕ ги раководат институциите противзаконски и ги кршат работничките права!“, изјави портпаролот на СДСМ Петре Шилеов на денешната прес конференција пред Агенцијата за вработување.
Тој вели дека Државниот инспекторат за труд е должен веднаш да постапи по наодите содржани во ревизоркиот извештај. На непријавените работници веднаш да им бидат обезбедени договори за работа и пензиско, социјално и здравствено осигурување! Агенцијата за вработување да понесе одговорност.
„Со ова се потврдува дека „Македонија вработува“ на Груевски е чиста фарса и дека власта и Груевски најсурово и најнеодговорно си поигруваат со најзагрозените граѓани кои работат за парче леб.“, рече Шилегов.