Published: Saturday, July 16, 2022 09:29
Конечно по 17 години чекање и 13 позитивни препораки, државата има шанса да ги започне преговорите за пристапување во ЕУ, да се реализира втората стратешка цел, со целосно заштитен македонски јазик, идентитет и посебност.
Пред Собранието денеска е важна одлука за иднината на државата и нашата евроинтеграција, откако е потврдено дека со последниот европски предлог се отвора патот во Европската унија да влеземе како Македонци со чист македонски јазик и обезбеден македонски идентитет, соопштија деенска од Центарот за комуникации со јавноста на СДСМ.
Во соопштението се додава:
„Сите пратеници да ги поддржат заклучоците, предложени од пратеничката група на СДСМ, со кои се задолжува оваа и секоја идна Влада на Република Северна Македонија, сите институции и експертскиот преговарачки тим на безусловно почитување на јазичните, идентитетските, историските и културните особености на македонскиот народ, како елементи за кои не се преговара со Европската унија.
Заклучоците предвидуваат преговорите да се водат на рамноправна и принципиелна основа, почитувајќи ги нормите на меѓународното право, со безрезервно почитување на достоинството и посебноста на Македонскиот народ, како и во целосна согласност на Резолуцијата усвоена од Собранието, на 29 јули 2021 година.
Конечно по 17 години чекање и 13 позитивни препораки, државата има шанса да ги започне преговорите за пристапување во ЕУ, да се реализира втората стратешка цел, со целосно заштитен македонски јазик, идентитет и посебност“.