Македонија под власта на Никола Груевски стана земја со најзагадениот воздух во Европа. За ова алармираат ЕК и Светска банка во секој извештај, обвинуваат од СДСМ.
„Македонија е на првото место на листата на Светска банка, според изложеност на граѓаните на загаденост на воздухот со цврсти честички, а загадувњето со години е над европските стандарди. Како што покажаа истражувањата на Светска банка, цврстите честички се одговорни за повеќе од 1.350 смртни случаи годишно, но и за илјадници изгубени работни денови – што претставува економски трошок од 253 милиони евра годишно или 3,2 отсто од БДП. Единственото нешто што направи власта е што препорача луѓето да не излегуваат надвор, да не ги отвораат прозорците и поретко да дишат“, пишува во соопштението на СДСМ.
Во соопштението се вели дека Светска банка укажала дека со намалување на ПМ10 и ПМ25 до европските гранични вредности ќе се избегнат повеќе од 800 смртни случаи и многубројни изубени работни денови, со што ќе се реализира заштеда во здравствени трошоци од 151 милиони евра годишно.