Руските истражители се обидуваат да ја утврдат причината за несреќата на авионот во близина на Москва во која загинаа сите 65 патници и шестмина членови на екипажот.
Засега се испитуваат сите претпоставки- од климатските услови, човечки фактор или технички проблеми, но не се споменува тероризам.
Авионот „антонов Ан-148“ на компанијата Саратов ерлајнс се урна во неделата неколку минути по полетувањето од аеродромот Домодедово.
Руската агенција Тас пренесе дека авионот се урнал на полјана во близина на селото Аргуново југоисточно од Москва и дека при падот никој на тлото не е повреден.
Авионот исчезна од радарските системи 4 минути по полетувањето за Орск, град во Урал. Се урна во областа Раменски на околу 7 километри од Москва, во близина на селото Степановскоје.
Истрагата оофицијално е отворена за да се утврдат можните крешња на безбедносните прописи, соопшти рускиот истражен одбор.
-Се проучуваат сите можни верзии за катастрофата, односно климатските промени, човечкиот фактор или техничката состојба на авионот, се наведува во соопштението.
Црната кутија е пронајдена, изјави официјален претставник на министерството за вонредни ситуации, Сергеј Полиетихин.
Рускиот министер за сообраќај соопшти дека телата се во таква состојба, што мора да се иднетификуваат со ДНК анализа, процедура која би траела од два до три месеци.
Рускиот претседател Владимир Путин ја одложи посетата на Сочи, па состанокот со палестинскиот лидер Махмуд Абас, наместо таму, ќе се одржи во Москва.
На аеродромот во Домодедово е отворен кризен штаб, како и на аеродромот во Орск.
Најголем број од патниците се од близината на областа Оренбург, каде Орск е вториот град по големина.