Во струмичката болница се лекуваат 39 пациенти со ковид-19. Дваесет од нив се на болничко лекување, додека останатите примаат терапија во дневната амбуланта.
Според докторка Катерина Кузмановска, директорка на струмичката болница, секојдевно расте бројот на заболени и сè поголем е број граѓани кои бараат помош од лекарите.
Од пациентите кои се наоѓаат на лекување на Инфективното одделение, 14 добиваат кислородна поддршка, а дури 90 отсто од нив се невакцинирани. Кај нив има тешка клиничка слика и за разлика од порано за лекување се јавуваат помлади лица, што за нас е показател дека вирусот сега полесно ги напаѓа нив, рече директорката на струмичката болница.
Додаде дека на Инфективното одделение има уште неколку слободни кревети, а доколку има потреба повторно ќе биде отворена модуларната болница, во која има 34 легла.