Српскиот тениски ас Новак Ѓоковиќ и неговата сопруга Јелена оваа година по вторпат ќе станат родители. Ексклузивната вест ја објави „Блиц“ и во неа е наведено дека Јелена е влезена во втор месец на бременоста и според очекувањата треба да се породи во август.
Периодот на блажена состојба, според планот, Јелена ќе го мине во Монте Карло каде е најавено дека ќе се породи. Токму поради сознанието дека ќе повторно ќе стане мајка, таа не беше со Новак Ѓоковиќ во Србија за дуелот на северниот сосед против Русија во рамки на Светската група во Дејвис купот.
Убавата вест дека во 2017 година очекува второ бебе, Новак ја соопштил на родителите и на браќата за време на скијање на Копаоник по обврските кон српската репрезентација во Ниш.
Новак и Јелена го имаат синот Стефан кој се роди во октомври во 2014 година во Монте Карло.