Нов удар за германската тениска легенда, Борис Бекер. Трикратниот вимблдонски шампион и поранешен тренер на Новак Ѓоковиќ запаѓа се подлабоко на финансиски план, а британски „Дејли Мејл“ пренесува дека ќе остане со статус на банкрот до 2031 година. Одлуката е властите во Германија кои открија дека Бекер затаил трансакција вредна четири и пол милиони фунти, па првичната мерка од една година сега е проширена на 12 години.
Властите веќе го запленија неговиот имот, вклучувајќи ги и трофеите што славниот тенисер ги освои во кариерата. Бекер притоа остана и без четири скапоцени часовници, а сите вредности што ги поседува ќе завршат на продажба во организација на аукциската куќа „Вајлс Харди“.
Финансиските проблеми за Бекер почнаа во 2017 година по неуспешниот обид да врати 3,3 милиони фунти што ги позајми од една приватна банка. Дел од германските медиуми објавија дека вкупниот долг на поранешниот германски тенисер изнесуваат 61 милиони евра, но и дека загуби 100 милиони евра во инвестиции во нафтен бизнис во Нигерија.