Феноменот на вечен мраз во арктичките предели на Русија, ризикува да исчезне, со појавата на секојдневно топење. Неколку метри длабока и тврдо – замрзната мешавина од земја, песок и мраз, се наоѓа под градовите и огромните ненаселени области на руските арктички региони, изјави министерот за природни ресурси на Русија,Александар Козлов.

-Секој од тие региони ако продолжи да се топи , со постојаната динамика, за 20-30 години, ќе се претвори во подрачје со обработлива почва за земјоделски потреби, изјави Козлов за рускиот бизнис весник РБЦ,пренесува ,,Сибериан тајмс“

Козлов смета дека регионите со вечен мраз требало брзо да се прилагодат на ситуацијата која се менува многу брзо.  Ако ова продолжи, тогаш во Русија би се појавило ново земјоделско земјиште, но колку би било лесно да се претвори во обработливо земјоделско земјиште, тешко е да се знае.

photo: Siberian Times

Русија има огромна арктичка зона, која се протега на околу четири милиони квадратни километри по должината на нејзината северна граница од запад до крајниот исток.

Скоро 60% од оваа територија е вечен мраз, што значи дека основата на копното под замрзнатиот слој никогаш не било проучено.

Руската област на вечен мраз е исто така најголемиот резервоар за органски јаглерод во светот, кој се претвора во стаклена градина, вклучувајќи го и ослободувањето на метан откако ќе се стопи.

-До 500 гигатони изнесуваат органските материи како корени од трева, грмушки и дрвја, плус остатоци од животни – ова е вечен мраз само во Јакутск, а според проценетата тежина, тој е потежок од целата биомаса на Земјата што расте во моментот“, рече Никита Зимов , директор на Руската северо-источна научна станица во близина на пристанишниот град Черски на крајниот север на Јакутск.

photo:Siberian Times

Кон крајот на 2019 година, руското Министерство за развој излезе со проценка дека годишната загуба на земјата како резултат на топењето на мразот, ја чини Русија неверојатни од 676 милиони долари до 2.03 милијарди долари.

Одмрзнувањето на мразот им се заканува на голем број згради и инфраструктурни објекти во Арктикот, предупреди заменик министерот за природни ресурси Александар Крутиков.

Друго предупредување за претстојното големо одмрзнување на мразот дојде од група руски експерти кои ги следат ефектите од промената на климата.

Дури и ако глобалното затоплување биде позиционирано  на значително пониско ниво од 2 степени Целзиусови,сепак до 2100 година ќе се стопи три до четири метри од вечниот мраз“се вели во извештајот.

Доколку емисијата на стакленички гасови продолжи да расте, тогаш може да се изгуби до 70 проценти од мразот, велат руските експерти.