Ракометните шампиони од Келн се најавени на скопскиот аеродром околу 17 ч., а во чартерот што го обезбеди Град Скопје ќе бидат и двајцата коментатори на ТВ „Арена спорт“, Сретен Рашковиќ и Стеван Стевановиќ кои ги освоија и срцата на навивачите и симпатиите на целиот македонски народ.
За враќањето на вардарци во Македонија имаше контрадикторни информации. Временскиот дијапазон беше широк и се однесуваше од 16.15 часот до 23.55 ч. Но, Град Скопје, на седница на Совет, а по предлог на градоначалникот Петре Шилегов, реши да издвои околу 40.000 евра за чартер лет од Келн, да организира прослава на плоштадот „Македонија“ за што ќе потроши околу околу 32.000 евра (два милиона денари) и плус околу 100.000 евра (16 милиони денари) како награда за „црвено-црните“ херои.
Вардар по вторпат се враќа во Скопје како континентален ракометел владетел по 2017 година. Во финалето на годинашното издание на Лигата на шампиони, во „Ланксес арена“, го совладаа Веспрем со 27:24 (полувреме 16:11) додека во полуфиналето ` пресудија на моќната Барселона со 29:27 (полувреме 9:16).