Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Шекеринска: Знаеме дека во НАТО нашите народи се побезбедни заедно отколку сами

0
By Marija Todorovska on January 13, 2025 ВЕСТИ
Фото: atlanticcouncil.org
СПОДЕЛИ
Facebook Twitter LinkedIn Email
Published: Monday, January 13, 2025 15:12

Патот кон членство во НАТО може да потрае подолго од очекуваното, барем така беше во случајот со Северна Македонија, а знаеме со какви предизвици се соочи и Шведска, но таа успеа да ги реши и сега е дома, изјави заменик генералната секретарка на Алијансата, Радмила Шекеринска во обраќањето на Годишната национална конференција на здружението „Народ и одбрана“ на тема „Ковање на иднината: Стратешката визија на НАТО под новото раководство“, што се одржува во шведскиот град Селен.

– Патувањето кон членство во Алијансата не е секогаш едноставно. Вие го знаете ова, а јас го знам од моето искуство работејќи за Северна Македонија при зачленувањето во НАТО пред неколку години. Секој народ има право да си го избере својот пат, а ние го избравме патот на слободата и демократијата. Вашето членство во НАТО е добро за стабилноста на Далечниот Север, Балтикот и пошироко, рече Шекеринска.

Таа ја нагласи важноста на членството НАТО, особено кога е присутна закана од Русија во различни форми.

– Свесни сме и будни сме. Знаеме дека во НАТО нашите народи се побезбедни заедно отколку сами. Кога (рускиот) претседател (Владимир) Путин ја започна својата целосна инвазија на Украина пред речиси три години, тој сакаше помалку НАТО. Сега доби повеќе НАТО. Членството во НАТО е огромна одговорност за секој сојузник, без разлика дали е основач или најнова членка, како Шведска, рече Шекеринска.

Според неа, со членството во НАТО, Шведска добива заштита и солидарност од останатите 31 сојузник, кои ќе го бранат нејзиниот суверенитет и слобода.

– Кога Шведска влезе во НАТО, се приклучи на заедницата на вредности, демократија, слобода и владеење на правото. И гледам како Шведска ги зајакнува овие скапоцени принципи на НАТО, секој ден во неговото седиште, но и низ нашата Алијанса во овој свет на сложени закани што ги предизвикуваат нашите војски и нашите општества. Нашата безбедност зависи од тоа да останеме обединети и издржливи, порача Шекеринска.

Таа нагласи дека стратешката визија на НАТО под новото раководство може да изгледа застрашувачка задача и на вистина е, но сепак тој нов тим има јасно чувство за целите, насоката и итноста,

– Знаеме што мора да направи НАТО сега, но знаеме и што мора да направи НАТО во годините што следат. Безбедносната ситуација околу нас и на глобално ниво е мрачна. Светот е понестабилен и поопасен. Повторно има војна во Европа, а авторитарните сили се во залет. Како демократии, ние мора да останеме силни, мора да бидеме обединети и, веројатно ова е и најважното, мора да преземеме акција сега, рече Шекеринска.

Според неа, за да се справи со се потурбулентното безбедносно опкружување, Алијансата мора да ги зголемува трошоците за одбраната и одбранбеното производство.

– Русија е најзначајната и нај ждиректната закана за нашата безбедност. Нејзиниот напад во Украина продолжува, а кога војната ќе заврши не можеме да го вратиме часовникот на местото каде што бевме порано. Русија се подготвува за долгорочна конфронтација со нас. Отворено го кажуваат ова и така постапуваат, нагласи Шекеринска.

Таа потенцира дека вкупните воени трошоци на Русија ќе достигнат најмалку седум или осум отсто од рускиот БДП и таа заедно со Кина, Иран и Северна Кореја имаат за цел да го дестабилизираат глобалниот поредок, да ги ослабат Европа и Северна Америка и да ги поткопаат нашите слободи.

– Во тек е кампања на непријателски активности против различни НАТО сојузници. И претходно слушнавме расправи за тоа, вклучително и за кибер напади, саботажи и дезинформации, додаде Шекеринска, потсетувајќи на мерките што ги презеде Алијансата за зголемување на безбедноста на критичната инфраструктура и следење на потенцијалните закани и најави зајакнато воено присуство на Пактот во регионот на Балтичкото Море.

– Ние сме подготвени да ги браниме нашите граѓани и нашата територија денес, но не можеме да го гарантираме тоа за во иднина, доколку не преземеме акција сега. Генералниот секретар и јас се согласуваме дека сојузниците мора да се префрлат на размислување како во време на војна. Треба да ги зголемиме одбранбеното производство и трошоците за одбраната за да можеме да продолжиме да гарантираме дека нашите луѓе се безбедни, додаде Шекеринска.

Шекеринска нагласи дека Шведска иако е последната земја што се приклучи на Алијансата, таа има витална улога во заштитата на заедничка безбедност на НАТО, поздравувајќи ги при тоа плановите на Стокхолм за зголемување на трошоците за одбрана на 2,6 отсто од БДП до 2028 година, што според неа, е пример од кој можат да учат постарите членки на Пактот.

– Шведска продолжува да биде извонреден поддржувач на Украина, обезбедувајќи милијарди евра воена помош. Тенковите, оклопните возила, проектилите и артилеријата што ги дадовте и помагаат на Украина да се бори за својата слобода. Како сојуз, ние исто така мора и натаму да ја засилиме поддршката и да и помогнеме на Украина побрзо да ги преброди мрачните денови на оваа војна, така што кога ќе одлучат да започнат мировните разговори, тие да го сторат од позиција на сила, рече Шекеринска.

НАТО Шведска Шекеринска
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.