Вицепремиерот за економски прашања, Фатмир Битиќи денеска во Владата ќе ја промовира бескаматната кредитна линија „Ковид 4“. На прес-конференцијата ќе присуствуваат и министерот за финансии Фатмир Бесими, како и директорот на Развојната банка на Република Северна Македонија, Кире Наумов.
Бескаматната кредитна линија „Ковид 4“ е проектирана на 10 милиони евра и дел е од шестиот пакет на антикризни мерки. Со неа се предвидуваат грантови до 15.000 евра за фирми од најпогодените сектори: туризам, угостителство, ивент индустрија, приватни здравствени установи, трговци поединци и занаетчии, доколку отворат нови рабтни места и ги зголемат приходите.
Во април оваа година, Владата ги задолжи Кабинетот на Битиќи и Министерството за финансии во соработка со Развојната банка да ги преземат неопходните чекори за операционализација на оваа мерка.