Портпаролот на СДСМ Петре Шилегов вели дека најдобро за Македонија е Ѓорге Иванов да изчезне од политичката сцена.
Според Шилегов токму отворањето на предметот на СЈО ТНТ е доказ зошто Иванов брзал со аболицијата, бидејќи доколку не била таа одлука, правдата ќе почнела да го стигнува Никола Груевски.
Како што вели Шилегов политичката криза е длабока токму за Груевски да не заврши во затвор.
-Денеска стана јасно зошто Никола Груевски и ВМРО ДПМНЕ не сакаат фер и демократски избори, бегаат од прочистен избирачки список, реформи во медиумите и одвојување на партијата од држвата. Затоа Македонија е а нозе, потенцираше Шилегов на прес конференцијата.
Како што вели тој, деморатска Македонија нема да дозволи да ја држи во заложништво иднината на државата.
– Или Груевски или Македонија, порача Шилегов.
Одговарајќи на новинарско прашање, дали СДСМ би седнале на преговрачка маса со лидерот на ВМРО ДПМНЕ Шилегов се повика на ставовите на партијата изнесени неодмана од лидерот Зоран Заев – повлекување на одлуката за аболиција од Претседателот и повлекување на одлуката за одржување на изборите на 5 јуни од страна на Собранието.
Шилегов потенцираше дека нивните услови се упатени кон конкретни личности, односно до Иванов и Вељаноски кои, како што вели портпаролот на СДСМ, за да го направат ова требало да им го дозволи Груевски.