Во Штип и денеска голем број граѓани излегоа на собир на кој им оддадоа почит на трагично загинатите во страотниот пожар во Кочани.
Учесниците носеа транспаренти, цвеќе, свеќи и балони, како и слики на петтемина млади штипјани кои го загубија животот во кочанската трагедија.
На најголемиот транспарент, на челото на поворката, пишуваше: „Вие го запаливте пламенот, спремете се за оган“.
Еден од загинатите, фудбалерот Дамјан Танески, денеска требало да го прослави својот 19-ти роденден, беше кажано на собирот.
Другарите на Даме пуштија 19 бели балони за неговиот роденден. Потоа, кога луѓето од собирот пристигнаа на плоштадот, ги изгаснаа светлата на 10 минути, а штом тие повторно се запалија, беа пуштени црни балони и фрлени бели рози.
Преземено од Слободен печат.мк