Published: Saturday, February 23, 2019 15:36
Невреме проследено со силен ветер и снежни врнежи ја зафати речиси целата територија на Албанија. Силниот ветер низ патиштата преврте три тешки товарни возила на различни места во околијата на Лежа.
Ветрот урна и многу билборди и вертикална сигнализација, откорна дрва и носеше покриви од куќи, а без струја останаа неколку делови во земјата. Во Албанија се вратија и снежните врнежи, кои ги има насекаде, па дури и во пристанишниот град Драч.
Снежната покривка е најголема во северниот и северосточниот дел на земјата што особено создава проблеми во одвивањето на сообраќајот на дел од автопатот Тирана-Кукс.