Силен земјотрес од 7.3 јачина го погоди северо-истокот на Јапонија, недалеку од Фукушима, објави Националната метеролошка агенција која исто така предупреди дека постои ризик од цунами.
Потресот се случи во 05.59 часот по локално време односно пред еден час, на длабочина од 10 км и ризик за бранови од три метри на брегот на Фукушима.
Жителите на островот Хоншу и Токио и разбуди милиони граѓани во регионот. Овој регион беше погоден од силен земјотрес во 2011 година.
Операторите на нуклеарните централи изјавија дека ги набљудуваат податоците на овие инсталации помеѓу кои е и централата во Фукушима. Тие изјавија дека досега не е забележана нова аномалија. Сепак, сите централи во регионот беа исклучени.
Една национална телевизија предупреди дека пристигнува цунами и побара од гледачите да ги предупредат соседите и да бегаат.
Кризна ќелија беше веднаш отворена за да им помогне на жителите и да им ги даде потребните совети.
Јапонците се разбира се сеќаваат на земјотресот од 9 степени и цунамито од март 2011 година кои убија 18.000 лица и предизвика катастрофа во нуклеарната централа Фукушима која натера повеќе илјади лица да избегаат од тој регион.
Во Јапонија имаше два големи земјотреси во април оваа година по кој следеа 1.700 афтершокови. Земјотресите однесоа 50 животи и предизвикаа голема материјална штета.