Скандал во Италија: Наместо да ѝ даде лек, таткото ѝ дал да испие кокаин на петгодишната ќерка

Петгодишно девојче од Италија е на интензивна нега, откако татко ѝ пред два дена, на 24 декември, наместо лек по грешка растворил кокаин во чаша со вода и ѝ дал да се напие.

Брзата помош во Равена веднаш дошла на повик на таткото и детето во тешка  здравствена состојба било пренесено во болницата во Болоња.

Лекарите изјавиле дека детето е во стабилна состојба и дека таа постојано се следи, јавуваат локалните медиуми.

Таткото признал во полиција дека по грешка наместо лек, помешал дрога во водата но дека веднаш повикал лекари. Благодарение на неговата навремена реакција не е загрозен животот на детето, јавуваат медиумите во Италија.

Против таткото е поднесена кривична пријава, a му се заканува затворска казна  до шест месеци.