Словенечкиот министер за надворешни работи Карл Ерјавец и се закани на Хрватска со тужба пред европскиот суд во Луксембург доколку не соработува во имплементација на арбитражна пресуда за границата меѓу двете земји.
Лидерите на трите партии од владејачката коалиција се договорија на состонок во Љубљана дека Словенија треба да го забрза усвојувањето на законот за примена на пресудата за арбитража со Хрватска, да почне да го спроведува својот суверенитет во Пиранскит залив, а размислуваат и за тужба против Загреб.
– Во текот на следните недели ќе подготвам информација за Владата околу правните можности како да се реагира, имајќи предвид дека Хрватска не ја почитува пресудата на арбитрите, истакна Ерјавец по средбата зад затворени врати.
Додека Загреб одлуката на арбитрите не ја смета за обврзувачка и бара билатерално решение за отвореното прашање, Љубљана наведува дека пресудата претставува дел од европското право и затоа Хрватска како членка на ЕУ мора да ја почитува.
– Дијалог со Хрватска ќе биде остварен дури кога таа ќе биде подготвена да разговара за имплементација, а дотогаш тоа нема никаква смисла, изјави шефот на словенечката дипломатија.
Премиерот на Словенија, Миро Церар по состанокот не дал изјава, но според Ерјавец нагласил дека словенечката полиција треба да ги закане активностите во Пиранскиот залив, кој арбитрите и го доделија на Словенија и на тој начи ќе го штити суверенитетот на земјата.