Министерството за животна средина и просторно планирање и Град Скопје денеска го потпишаа проектот со кој се предвидува изградба на два главни колектори за отпадни води, по еден од левата и десната страна на Вардар во централното градско подрачје во Скопје.
Едниот колектор, на десната страна на брегот на Вардар, ќе биде во должина од 3,5 километри, а другиот на левиот брег во должина од 4,5 километри.
– Вака ќе се заштитат водите на реката Вардар, но и ќе се реализираат главните предуслови за изградба на централна пречистителна станица за Градот Скопје која, како што се обврза Владата треба да започне до крајот на 2020 година, рече министерот за животна средина и просторно планирање Садула Дураки, по потпишувањето на Меморандумот.
Градоначалникот на град Скопје Петре Шилегов истакна дека овој проект е чекор напред во заложбата водите на Вардар да ја добијат природната боја, а нејзината чистота да се подигне на највисоко ниво.
Се согласува со министерот Дураку, дека на овој начин се содаваат услови за изградба на пречистителна станица.
– Несфатливо е една престолнина на европска држава да префункционира без централна пречистителна станица, рече тој.
Проектот е вреден 10 милиони евра и е финансиран од Европската унија ИПА 2, а е кофинсисиран од Буџетот на РМ