Сојузниците на НАТО постигнаа договор за регионалните планови во случај на руски напад. Со децении, западната воена алијанса не гледаше потреба да се договори за големи одбранбени планови и долго време сметаше дека постсоветска Русија повеќе не претставува закана.
Но, сега земјите-членки одлучија дека мора да имаат разработен план во случај на конфликт со Москва. Турција го блокираше одобрувањето на плановите поради прашања за географски локации како што е Кипар, но членките на НАТО на крајот постигнаа договор, пишува Ројтерс.
Поради финансирањето на овие планови, лидерите се подготвени да ги зголемат целните воени трошоци, со што сегашните 2% од националниот БДП стануваат минимално барање.
Претставниците на НАТО проценуваат дека ќе бидат потребни неколку години за спроведување на плановите, иако нагласуваат дека доколку е потребно, Алијансата може веднаш да тргне во војна.
Г. Т.