Некогашната ,,Виa Игнатиа“ по која во минатото патувале царските писма, карваните со разно-разна стока, како и трговците и која низ времето придонесла за спојување на Истокот и Западот, до ден денешен е најатрактивната и водечка шопинг улица во Солун, задржувајќи го истото име од дамнешните времиња а со тоа и симболиката на продавањето и купувањето, на,,алаш-вериш“нагодбите од што на крајот се задоволни сите и тие што купиле и тие што продале.
Стотините ,,low cost“ продавници распослани по должина од 1,2 километри, по ,,заспаноста“ за време на траењето на корона вирусот, сега како да излегуваат од зимскиот сон. Во неа денеска продолжува да се одвива животот како ништо да не се случило.Некои од сопствениците велат дека домашните купувачи од Грција не го заборавиле Солун. А, некои кои што преминале на онлајн продажба вешто ја одржувале кондицијата со и онака силната конкуренција на трговските центри.
На „Виа Игнатиа“ и натаму егзистира ,,олд-базарот“ па може да се купи подзастарени производи, како на пример цд-а со стара музика, стари дискови, грамофони, радија, како и стари книги, плочи, уникати за кој сте сметале дека повеќе не постојат. Тука се и дуќаните за тату, фризерај, шминка и др…
Нa Тсимиски улицата, пак се наоѓаат најпознатите интернационални брендови како Pull&Bear, Zara, Stradivaris, H&M, Bershka, Stefanel,Zizel my shop, Peter sport, Intersport Athletics, Gant store и други. Тука е лоциран и познатиот шопинг центар Attika. Можете да уживате во познатите брендови DKNY, Love Moschino, Zadig & Voltaire, Furla, Michael Kors, Burberry,Hugo Boos, Zegna,Paul Smith,Lacoste,Timberland,
Calvin Klein, Dsquared2, Tommy Hilfiger, Diesel, Replay, Converse. Како и козметичкиte куќи Dior, Estee Lauder, Clinique, MAC, Lancome, YSL, Bobbi Brown. Може да се рече дека на овиe улици се прави промет кој што допира до половина износ од нашиот годишен буџет.
Атрактивноста на ,,Виа Игнатиа“ ја збогатуваат и низата нови модерни трговски центри на улиците ,,Митрополис“,,Агиа Софиа“,,Димитриу Гоунари“,кои се локомотивата која и натаму го влече шопинг-возот на солунската а со тоа и на грчката економија.
А,кога сме кај туристите тие се враќаат полека и срамежливо. Иако првите податоци не се баш најохрабрувачки,сепак српските државјани и натаму се на пиедесталот ,,резервиран“за шампионите во шопингот и туризмот. Владее огромна носталгија за бројот од над еден милион гости, кои секоја година до 2019 го ,,напаѓаа “ Халкидики, остварувајќи бројка од повеќе милиони ноќевања. Денеска присуството на гости од Србија и Северна Македонија се ,,мери“со илјади, па едвај да се регистрирани околу 150 илјади годишно-одморци досега. Дури ни корегираните цени надолу, на производите не го намамува засега во поголема бројка балканскиот турист
А, други туристи речиси и да нема. Тие од Бугарија и од Романија и без тоа немаат традиција за летување во Грција, па така и годинава бројката е незначителна иако важат за земји со полиберални услови за влез кај нашиот јужен сосед.
Уште еден сериозен проблем го мачи Солун, а тоа е паркингот. За да се напиете кафе и да посетите некои од споменатите продавници, сместувањето на вашиот автомобил ќе ве чини од 4 до 8 евра за час. Кафето на плоштадот ,,Аристотел“ е 3,5 евра, додека во познатата слаткарница со над тривековна традиција именувана како,,Ма-До“што е изведено име од најпознатиот турски сладолед,,Марас Дондурма“ е и поскапо.Направен од козје млеко со преливите од салеп го чинат овој десерт еден од најубавите на овие простори. Цените се високи, меѓутоа вкусот на сладоледот измешан со ,,вкусот“на Егејско Море е нешто што треба да се доживее.
Мирјана Трпческа