Тоа беше мизерен напад, но јас сум во ред вели градоначалникот на Солун Бутарис кој вчера беше нападнат на протестите на националистите.
„Она што го доживеав беше кошмар. Имаше неколку кои ме тепаа насекаде, низ моето тело, со удари, со сè. Имам некоја своја верзија за тоа како започна оваа приказна, но не сакам да зборувам за тоа“ рече Бутарис.
Тој е хоспитализиран во болницата во Солун.
Градоначалникот на Солун Бутарис беше претепан од националисти додека присуствувал на церемонија на спуштањето на знамето на комеморацијата на Грците кои загинаа во борба против Турците во Првата светска војна и во грчко-турската војна која следуваше. Тогаш десетина луѓе му се доближиле на Бутарис (75) и му рекле да го напушти собирот, а потоа го нападнале со шишиња.