Едно лице го загуби животот, a пет се потешко повредени во сообраќајна несреќа што ноќеска се случи на магистралниот пат Охрид – Свети Наум, кај клучката за излез кон хотелот „Инекс“.
Во несреќата што се случила во 1:40 часот по полноќ учествувале три возила – „Цитроен Ц3“ со битолски регистарски таблички, „Волксваген Голф“ со охридски регистарски таблички и „Волксваген Пасат“ со прилепски регистерски таблички. Со „Цитроенот“ управувал И.К (27) од Битола, кој со тешки телесни повреди бил префрлен во Специјалната болница за ортопедија и трауматологија „Свети Еразмо“ каде им подлегнал на повредите.
Во сообраќајката се повредени уште неколку лица од кои пет потешко. Повредените М.С. (27) од Битола и И.М. (23) од Струга се префрлени на лекување во Клиничкиот центар „Мајка Тереза“ во Скопје, додека во Д.Р. (25) од Скопје, Б.Р. (23) од Охрид и уште едно лице од Битола се хоспитализирани во болницата „Свети Еразмо“.
Две лица повредени во несреќата после укажана лекарска помош се пуштени на домашно лекување.
Екипа на полицијата, заедно со Јавен обвинител и судски вештак извршија увид на лице место, за утврдување на причните и околностите што довеле до несреќата.