Европските социјалисти од Европскиот парламент (ЕП) најстрого ја осудија одлуката на Иванов за одбивање на мандатот на лидерот на СДСМ Зоран Заев. Тие го повикуваат Иванов да го почитува Уставот и да не измислува извинувања за да го спречи Заев да го добие мандатот.
Виктор Боштинару, потпретседател на групата на Европските социјалисти во ЕП изјави:
“Сега е јасно дека претседателот Иванов, заедно со ВМРО-ДПМНЕ прави се, вклучително и неуставни средства, за да ја спречи опозицијата да дојде на власт. Тоа е тотално неприфатливо и Европа мора да реагира на најстрог начин. Најлошото во ова е што тоа ги подгрева националистичките чувства и тоа може да има несогледиви последици. Првите знаци веќе се гледаат: новинарите беа нападнати од поддржувачите на ВМРО-ДПМНЕ; повеќе од 20 локални канцеларии на партиите беа нападнати; пратениците на СДСМ беа цел на навреди – кај некои куќите беа вандализирани и тие се постојани надгледувани од неидентификувани индивидуи. Ние ќе сметаме дека претседателот Иванов и ВМРО-ДПМНЕ се одговори за било кое влошување на ситуацијата во земјата”, изјави тој утринава.
Тони Пицула, известувачот во сенка за Македонија на Европските социјалисти имаше исто така изјава:
“Сега е докажано дека ВМРО-ДПМНЕ ќе ги искористи сите средства за да избегне одговорност пред СЈО за нивните незаконски акции за кои сиете чувме на снимките.
Европа сега треба јасно да каже дека ова е неприфатливо и да го повика претседателот Иванов да се однесува на одговорен начин за иднината на земјата. Ние го осудуваме претседателот Иванов и ВМРО-ДПМНЕ за подгревање на етнички тензии во земјата само за да останат на власт со незаконски средства. Ги повикуваме да го почитуваат исходот на изборите и фактот дека опозицијата, заедно со албанските партии, формираа парламентарно мнозинство”; вели Пицула.