Моменталната поставеност на институциите и доследноста со која се применуваат мерките за заштита се адекватни на ризите на кои сме изложени и затао нема потреба од прогласување кризна состојба на целата територија, или пак вонредна, соопшти шефот на државата Стево Пендаровски, по завршувањето на Советот за безбедност.
Ако има потреба за тоа, а заега нема, потенцираше Пендаровски, може понатаму во зависност од состојбата да прогласиме кризна состојба во други делови освен во општините Дебар и Центар Жупа.
„Не е потребно да избрзуваме со голо декларирање на повисоко ниво, со кризна или вонредна состојба, со оглед на проценките дека повисока опасност засега не постои“, рече Пендаровски.
Две причини се клучни за ваквата одлука. Надлежните инситуции постојано ја мониторираат состојбата. И второ, јасно е дека секаде во светот ова ќе потрае и ќе мора ресурсите да се димензионираат според реалните потреби и ризици.
И без да се прогласи вонредна состојба државата може во наредниот период да го ограничи движењето од една во друга општина. „Мерките се ригорозни, и тоа е проценето и од меѓународни фактори како ефикасно справување со кризата“, рече Пендаровски нагласувајќи дека овдешните мерки се и поригорозни од државите каде веќе се прогласи вонредна состојба.
Вонредна состојба е дефинирана само во еден член на Уставот. Постои Закон за криза, за управување со кризи…, кои според Пенадровски, имаат свои недоречености. Но постои само 125-от член од Уставот за вонредна состојба. Во таква ситуација Владата управува со уредби со законска сила. Го има дискреционото право на законодавец и извршител на прописите. Собранието во таква ситуација, ќе рече Пендаровски, е суспендирано без оглед дали заседава или е распуштено.
Министерот за здравство, Венко Филипче, реферирал на состанокот за состојбата која засега е оценета како позитивна.
„Во Центар Жуп и Дебар имаме одлична соработка на терен меѓу надлежните, армијата полицијата и локалната самоуправа. Посебно признани да им се одаде на граѓаните кои ги применуваат сите препораки и мерки. Министерот ни го презентираше целокупниот план за распределување на лекарскиот персонал. Станува бор за максимална и целосна мобилизација на здравствениот кадар независно дали работат во главниот град или низ целата држава“, рече Пендаровски.
Тој уште еднаш упати апел до граѓаните да ги почитуваат стриктно сите мерки кои се познати и соопштени преку средствата за јавно информирање, бидејќи тоа е најдобриот начин да се спречи ширењето на вирусот. Бее потреба да не се патува надвор, особено во високо и средно ризични земји. Без голема потреба граѓаните кои се во странство да не се враќаат, бидејќи така самите се изложуваат на опасност но ги изложуваат и тие покрај себе.
„Ќе ја следиме ситуацијата 24 часа и по потреба ке се состануваме секој ден, ако треба и повеќе од еднаш дневно. Советот за безбедност ќе одржува седници и ќе дава препораки согласно уставната надлежност. Вечерва Владата ќе одржи итна седница, не е исклучено да бидат донесени и друг сет на мерки“, рече Пендаровски.
Тој потсети дека утре има средба со лидерите на партиите со единствена точка на дневен ред – одложување на изборите. „Не гледам причина зошто тие да не бидат одложени“, рече Пендаровски.
Во оваа насока тој информираше дека мисијата на ОБСЕ и ОДИХР со официјален допис го известиле дека се повлекуваат од Македонија, односно ја откажуваат мониторинг мисијата. Пендаровски истакна дека за два до три дена тие и физички ќе се повлечат од наша земја.