Кениецот Џефри Кипкорир Кируи и Росе Черимо од Бахреин се победници во машка и женска конкуренција во маратонската трка на Светското првенство во Лондон.
Кируи, кој ова година има триумф и низ улиците на Бостон, истрча до мундијалското злато со време од 2:08,27 часа. Во добар дел од делницата водеше борба со Тамират Тола од Етиопија кој, пак, во завршните пет километри не можеше да го следи темпото, па на крајот мораше да се задоволи со среброто (2:09,49 минути). Две секунди по него на целта пристигна Алфонс Феликс Симбу од Танзанија.
Росе Черимо стана првата натпреварувачка која освои златен медал за Бахрен во најдолгата атлетска дисциплина на Светските првенства. Родената Кенијка во возбудлив финиш успеа да го одбие налетот на двократната шампионка Една Киплагат и на крајот да слави со време 2:27,11 часа. Бронзата ѝ припадна на Еми Грег која е само втора претставничка од САД со медал во маратон.
СП во атлетика/маратон
Мажи
Џефри Кипкорир Кируи (Кенија) 2:08,27 часа
Тамират Тола (Етиопија) 2:09,49 часа
Алфонс Феликс Симбу (Танзанија) 2:09,51 часа
Калум Хокинс (Велика Британија) 2:10,17 часа
Гидеон Кипкемои Кипкетер (Кенија) 2:10,56 часа, итн.
Жени
Росе Черимо (Бахреин) 2:27,11 часа
Една Киплагат (Кенија) 2:27,18 часа
Еми Крег (САД) 2:27,18 часа
Филомена Чејеч (Кенија) 2:27,21 часа
Шуре Демисе (Етиопија) 2:27,58 часа, итн.