Женската ракометна репрезентација на Холандија го освои златниот медал на 24. Светско првенство во Јапонија. Во возбудливо финале во Кумамото, Холанѓанките ја совладаа Шпанија со 30:29 (полувреме 16:13) и за првпат во историјата го запоседнаа планетарниот трон.
Шпанките имаа негатива од два гола, но, сепак, успеаја да израмнат во финишот, па и да нападнат за победа. По промашениот удар за злато, една од шпанските ракометарки направи прекршок врз холандската голманка што судиите го оценија како намерен и досудија седмерец што девојките во портокалово-црна комбинација.
Одговорноста ја презеде Лои Абинг и не погреши. Изведе соврешен пенал, го погоди долниот десен агол по што следуваше еуфорична прослава на на Холанѓанките на светската шампионска титула.
Естевана Полман беше најефикасна во славеничката селекција со девет гола, Абинг го заврши мечот со седум реализации, Даник Снелдер запиша пет. Прв стрелец во тимот на Шпанија беше Кабрал Барбоса со седум гола, Марта Лопез Ереро додаде шест.
Бронзениот медал го освои Русија чии ракометарки во „малото“ финале ја поразија Норвешка со 33:28.