„Владата има сериозен капацитет којшто е покажан низ изборните процеси во минатото, и 2016, 2017, и 2018, 2019, 2020, и 2021 година во изборните процеси. Ние имаме изборен процес и во него се влегува со се помалку неправилности. Тоа покажува дека демократскиот капацитет на институциите е на едно поголемо ниво. За жал ние тоа не можевме да го видиме од ВМРО-ДПМНЕ заради начинот на кој тие ја практицираа власта до 2016 година. Целосната злоупотреба на институциите резултираше со Пржинска Влада“, изјави изјави министерот за внатрешни работи Оливер Спасовски во емисијата „Само интервју“ на Канал 5 Телевизија.
Тој додаде дека тоа што ВМРО-ДПМНЕ сака да се укине Пржинската влада е директно признае од страна на опозицијата дека оваа влада има сериозен капацитет.
„Јас апсолутно не гледам и во моментот повисок демократски капацитет кај опозицијата или значајна промена која ќе влева сигурност дека работите нема да се движат во лоша насока во државата. Немаат никако расчистено со минатото на Груевски. Истите кадри коишто во тој период спроведуваа напади во собрание, организираа напади во собрание, прислушуваа луѓе, исфрлуваа новинари и пратеници од сали, тепаа студенти по библиотеки, истите ги гледаме сега повторно како фронтмени на опозицијата и оние коишто се нудат дека тие би биле некоја подобра опција за државата“, потенцираше Спасовски.
Тој додаде дека останува да се почека каква ќе биде одлуката на опозицијата дали ќе учествува во техничката влада.
„За мене е важно да се утврдат најдобрите можни кандидати коишто се најприфатливи за граѓаните и за претседател и за членови на парламентот“, заклучи Спасовски.