Спречен обид на илегални мигранти за влез од Турција во Бугарија

Припадници на турската жандармерија спречија обид на три групи мигранти за илегален премин од Турција во Бугарија.

Како што јави Анадолија, жанадрмеријата во западниот округ Киркларели привела околу 50 мигранти од Авганистан и Сирија, кои со организиран превоз требало да заминат за Бугарија, а од таму кон некоја од западноевропските земји.

Мигрантите биле откриени во реонот на преминот Дереќој на турско-бугарската граница, по што се префрлени во Центар за прием на бегалци.

По затворањето на т.н. „балканска бегалска рута“ од Грција, преку Македонија и Србија, кон земјите од ЕУ, последниве месеци зачестија обидите на мигрантите за премин од Турција по копнен пат во Бугарија или преку Црното Море кон бугарскиот и романскиот брег.