Високиот комесар за проширување на ЕУ Јоханес Хан на средбата со премиерот Зоран Заев во Њујорк дали поддршка за започнатите реформи, кои како што рекол, се во насока на остварување на песпективите на Македонија и за целиот регион“. Тој посебно ги истакнал иницијативите на Владата за добрососедство и регионална соработка како корисни во процесот на интегрирање на целиот Западен Балкан во евро-атлантските интеграции.
На средбата се разговараше и за отворените можности за напредок на Македонија на економски план, преку зголемениот интерес на домашните и странските инвеститори и придонесот што ќе имаат отворени евро-атлантски перспективи за економскиот развој на Република Македонија, соопштија од Кабинетот на Заев.
По едночасовната средба на премиерот Заев со еврокомесарот Хан, претседателот на Владата на Република Македонија беше на вечерата што за лидерите на Западен Балкан ја организираше високата преставничка за надворешна и безбедносна политика, Федерика Могерини, во седиштето на делегацијата на ЕУ при ОН.
По средбата, високата претставничка на ЕУ Федерика Могерини и еврокомесарот Хан во заедничка изјава ја повторија недвосмислената поддршка од Европската Унија за интеграцијата на Западен Балкан.
-Европската Унија за засилува поддршката за сите партнери во однос на целите, па нивниот напредок ќе биде неповратен до крајот на нашиот мандат“, пишува во изјавата.
Сите лидери, како што изјавија Могерини и Хан, ја потврдиле нивната заложба да ги засилат реформите, особено во правосудството, владеење на правото и основните права, како и регионалната соработка и добрососедските односи за да го задржат и надградат позитивниот моментум.