Како средношколци не не интересира што преговараат СОНК и МОН, но гледаме дека ние губиме од оваа ситуација, рече претседателот на Сојузот на средношколци, Лука Павиќевиќ во Дневникот на ТВ Сител.
„Вчера кога дознавме дека е постигнато некакво решение, го поздравивме дека еве возрасните го слушнаа зборот на средношколците и децата и постигнаа компромис. Сакаме да учиме. Две години по ред Сојузот на средношколци бара подобар обрзовен систем и настава. Сега повторно има штрајк, каде веќе се изгубија 10 важни работни дена и гледаме дека со првомајските празници ќе се изгуби и оваа работна недела“, изјави претседателот на Сојузот на средношколците.
Според него, сите засегнати страни во процесот се дел од ова и сите имаат своја функција.
„Доволно е да се уништи сон на едно дете за да пропаднеме морално како држава, како систем и образование. Станува збор за три генерации досега што за жал континуирано ги уништуваме. Како Сојуз не знаеме дали ќе се пробијат и роковите за испит. Ова е сериозен проблем“, потенцира Павиќевиќ.