Стратешки Совет на МНР: Дискусија за состојбата во Авганистан во рамки на проектот „Рефлексија 2030“

Министерот за надворешни работи, Бујар Османи денеска ќе одржи тематска дискусија со членовите на Стратешкиот совет на МНР, поврзана со случувањата во Авганистан, комплексноста и далекусежноста на импликациите предизвикани од оваа криза, кои би се рефлектирале и врз нашата земја.

Состанокот, како што информираат од МНР, е продолжение на серијата настани во рамки на проектот на Министерството за надворешни работи, „Рефлексија 2030”, чија крајна цел е изработка на долгорочна Стратегија за надворешна политика.