Студентите во блокадата најавија голем граѓански протест во Белград на 28 јуни на Видовден, кој ќе се одржи на плоштадот Славија во 18 часот.
View this post on Instagram
Студентите во блокада доставија две барања до властите во Србија. Првото е до Видовден, 28 јуни, за кога е закажан нивниот протест, премиерот Ѓуро Мацут да поднесе предлог за распуштање на Собранието, со цел распишување вонредни парламентарни избори.
Второто барање на студентите во блокадата е да се запре митингот во центарот на Белград – каде што противниците на блокадите, кои се нарекуваат себеси „студенти кои сакаат да учат“, кампуваат веќе три месеци.
Студентите во блокадата, исто така, изјавија дека доколку барањата не бидат исполнети до 28 јуни во 21 часот, владата може да очекува „дека граѓаните ќе бидат подготвени да ги преземат сите постојни мерки на граѓанска непослушност“.
„Во сабота, на 28 јуни, ќе се одржи протест во Белград, каде што очекуваме присуство на голем број незадоволни граѓани, а не можеме да ги предвидиме следните чекори на граѓаните по официјалното завршување на состанокот“, се вели во отвореното писмо.
Со оглед на тоа што истите граѓани, како што додадоа, веќе ги искажаа истите барања, и неформално и формално, студентите „апелираа за последен пат“ да ги исполнат за да „се спречи кулминацијата на граѓанското и студентското незадоволство“.
„Очекуваме дека во случај на неисполнување на горенаведените барања во дадениот рок, граѓаните на Србија ќе бидат подготвени да ги преземат сите постојни мерки на граѓанска непослушност, со цел да го заштитат своето основно право на слободен и легитимен демократски систем“, се додава во отвореното писмо до Владата на Србија.