На 12 февруари на обвинителна клупа повторно ќе седнат обвинетите во случајот „Монструм“, на кои од почеток ќе им се суди за петкратното убиство што се случи на 12 април 2012 година, кај Смиљковското Езеро, објави Фокус.
Судењето стартува од почеток, кај судијата Огнен Ставрев, бидејќи Врховниот суд ја укина првостепената и второстепената пресуда и предметот го врати од почеток, и тоа по барање на Вишото јавно обвинителство.
Набрзо по оваа одлука, највисокиот суд донесе одлука и да ги ослободи од притвор Агим Исмаиловиќ, Хаки Азири, Сами Љута и Фејзи Азири, и им определи мерки на претпазливост, односно не смеат да го напуштат градот во кој што живеат, а имаат и обврска двапати неделно да се јават во Основниот суд Скопје 1.
За Алил Демири и Африм Исмаиловиќ има меѓународни потерници, кои со години се наоѓаат на Косово. Од обвинителството велат дека тие ќе бидт активни се додека не се утврди каде се наоѓаат. Демири и Исмаиловиќ беа фатени во Косово, но тамошните власти го одбија барањето за екстрадиција, бидејќи тврдеа дека не се доставени доволно докази кои укажуваат на нивна вмешаност во случајот.
Според адвокатот Насер Рауфи неопходно е да се измени обвинението и смета дека тој има право да побара случајот да се врати во фаза на истрага, бидејќи и според забелешките на Врховниот суд, имало поропусти.
Петкратното убиство беше извршено на 12 април 2012 година кај Смиљковското Езеро.
Пет години потоа: Дали „бомбите“ ја кријат вистината за Смилковско