Главната расправа за „шамарите во Центар“ ќе започне од почеток поради распределување на судијката Татјана Михајлова која беше надлежна за овој случај. Судот предложи одложување на случајот за 2 февруари на што се согласи и обвинителот од СЈО, Гаврил Бубевски.
Во предмет „Насилство во Центар“ обвинети се 14 лица за поттикнување на насилството при протестите пред општина Центар во јуни 2013 година. Меѓу обвинетите се поранешниот претседател на ВМРО-ДПМНЕ, Никола Груевски, ексминистерот за Транспорт и врски, Миле Јанакиески како и пратеничката Даниела Рангелова.
Досега двајца обвинети признаа вина – четвртообвинетиот Томислав Лазаров и петообвинетиот Јордан Ристевски, кои се осудени на шестмесечни условни казни. За еден од обвинетите Димче Крстев, постапката е издвоена.
Судот по барање на Специјалното јавно обвинителство на Груевски му определи мерка на претпазливост со што тој во петок на 29 декември моја да се јави кај шалтерски службеник во Кривичен.
Во предметот „Насилство во Центар“ обвинети се лидерот на ВМРО-ДПМНЕ и поранешен премиер Никола Груевски, поранешниот министер за транспорт и врски Миле Јанакиески, пратеничката Даниелa Рангелова и уште 11 други лица. Тие се товарат дека поттикнале и организирале дел од членството на ВМРО-ДПМНЕ на протест, со наводен мотив дека ќе се протестира поради рушењето на црквата „Св. Константин и Елена“, која беше во фаза на градба на бул. „Македонија“, иако тоа воопшто не било точка на дневниот ред на седницата.