Поранешниот премиер Никола Груевски денеска беше опоменат од судијката Добрила Кацарска бидејќи во судницата искоментира дека се наоѓа во „Партиски суд“.
Груевски е обвинет за незаконската набавка на луксузниот мерцедес во случајот на СЈО „Тенк“.
Кацарска го прекина воведниот говор на неговиот адвокат Боро Тасевски и заведе во записник: „Ако обвинетиот Никола Груевски уште еднаш го навреди судот, ќе ги применам мерките од Законот за кривична постапка“.
За дофрлување, попречување и навредување на судот од која било од странките во процесот предвидена е парична казна од над 1.000 евра па се до отстранување од судница.
Во случајот на СЈО „Тенк“, обвинети се уште и екс министерката Гордана Јанкулоска како и тогашниот шеф за јавни набавки на МВР, Ѓоко Попоски, за злоупотреба на службената положба и овластувањата.
Никола Груевски е обвинет за примање награда за противзаконито влијание.