До судири меѓу полицијата и демонстрантите дојде синоќа во Букурешт на протестите против законот со кој се декриминилизира злоупотребата на службената положба.
Фановите на тимовите „Рапид“ и „Динамо“ се приклучија кон демонстрантите и фрлале факели, камења и шишиња по полицијата, а како одговор на тоа полицајците користела солзавец. Според романските медиуми двете навивачки групи се приклучиле на протестот по завршувањето ракометен натпревар.
Романската опозиција бара гласање недоверба на владата поради контроверзниот декрет за амнестија.
https://www.youtube.com/watch?v=7jeqaq8uBKE
На протестите имаше околу 300.000 граѓани, од кои 150 илијади само во Букурешт. Според декретот донесен во 3 по полноќ, секоја злоупотреба на службена положба за проневера на помалку од 44.000 евра од јавните пари нема да има можност да се казни со мерка затвор.
Граѓаните сметаат дека овој закон е донесен по мерка на некои политичари кои би сакале да се спасат од одговорност за проневерите кои што ги имаат направено и дека претставува поткопување на Националниот директорат за анти-корупција.
Директоратот во изминативе три години има поднесено 1.170 обвиненија за случаи кои ја оштетиле државната каса за преку една милијарда евра.
Главната обвинителка на Националниот директорат, Лаура Ковеси смета дека овој декрет влијае врз една третина од нејзините обвиненија.
Против законот се произнесе и претседателот на Романија, Клаус Јоханис кој смета дека Владата го погребала владеењето на правото.
Загриженост за одлуката на романската влада изразија и САД, Канада, Германија, Франција, Белгија и Холандија. Во заедничка изјава, од амбасадите на овие држави се вели дека оваа одлука на владата може само да му наштети на угледот на Романија во меѓународната заедница и ризикуваат таа да влијае на нивното партнерство кое е засновано на заеднички вредности.