Судскиот совет функционира законски и во согласност со надлежностите
дадени во Законот за Судски совет. Ова е заклучено на денешниот работен
колегиум на кој се отфрлени како неосновани тврдењата на холандскиот
амбасадор Дирк Јан Коп дека новиот претседател на Советот е избран во
нелигитимна процедура и затоа се става во мирување 4 – годишниот проект
финансиран од оваа земја. Членовите потенцираат дека првиот човек на Судскиот совет е избран на седница со потребниот број на гласови утврдени со закон.
Советот ги повика надлежните да ги испитаат сите сомнежи за
корупција, а воедно потсетуваат дека Врховниот суд дополнително и во
законска процедура ги проверува сите одлуки донесени за проверка за
одговорноста на судиите преку жалбениот Совет.
Холандскиот проект кој амбасадата го суспендираше поради незадоволство од работата на Судскиот совет трае 4 години и се состои од 3 компоненти: ефикасност, отчетност, транспарентност и регионална соработка и во моментот се наоѓа во третата проектна година.