Првите тројца сведоци во случајот „Тврдина2“ потврдија дека по претходна наредба со две службени возила на МВР во тајната база наречена „Брест“, кај село Петровец, скопско, уништиле материјали кои биле од УБК, а биле сместени во црни кеси.

Началник на базата на МВР во Брест рече дека не знаел каква била содржината на уништениот материјал и дека уништувањето било по наредба на екс началникот на управата, Горан Грујевски, кој е во бегство. Тој, како што рече, му јавил дека е формирана комисија која треба да уништи некакви документи.

-Знам дека беше 2015 година, беше многу топло не се сеќавам на конкретен датум, но знам дека на лице место, кога се палеа документите, имаше канистер со вода и противпоожарен апарат. Една од обвинетите беше и моја секретарка која беше поставена на позицијата по барање на екс началникот, Горан Грујевски, рече сведокот.

Обвинетата М.К.С. која била секретарка на еден од началниците истакна дека иако нејзиниот потпис се наоѓа на документот, со кој се наредува уништување на службениот материјал не знаела дека потпишува таква наредба, а додаде и дека не била член на Комисијата која решава по такви прашања.

-Не знаев дека сум ставена за член на таква пописна комисија бидејќи јас бев само секретарка. Една од обвинетите ми даде да потпишам, меѓутоа ми кажа дека потпишувам нешто што го потпишале сите секретарки – рече обвинетата, која потоа призна дека потпишала и потврда, но не се сеќаваше зошто ја потпишала и кога точно.

Таа појасни дека како секретарка на началникот В.Ц. и било речено кога ќе дојдат преставниците на пописната комсија да ги донесе црните ќеси во кои биле документите за ништење и на сите да им свари кафе, оправдувајќи се дека не знаела што точно има во ќесите.

Денеска, во Кривичниот суд започна главната расправа за случајот „Тврдина 2“, каде 7 лица се обвинети за палење службени документи поврзани со нелегалното пшрисклушување. Првообвинет е Горан Грујевски кому му се суди во отсуство, бидејќи е во бегство откако Апелацискииот суд потврди дека тој треба да биде спроведен во затворот во Шуто Оризари.