Предвременото укинување на мерките за ограничување за движењето што се воведени за спречување на ширењето на коронавирусот може да предизвика „фатално враќање“ на пандемијата, предупреди директорот на Светската Здравствена Организација (СЗО), Тедрос Аданом Гебрејсус.
„Знам дека некои земји веќе се подготвуваат за излегување од изолацијата. СЗО, како и сите, сака да се укинат ограничувањата. Но, предвременото укинување на ограничувањата може да предизвикаат фатално враќање на пандемијата. Враќањето на пандемијата може да биде, исто така, смртоносно колку и неговото ширење, доколку недостасуваат потребните мерки“, рече тој.
СЗО разговара со заинтересираните земји за подготовка на стратегија за постепено и безбедно излегување од изолацијата и смета дека треба да бидат исполнети шест барања, пренесе „Индекс“. Потребно е да се контолира пренесувањето на вирусот, да се обезбеди јавно-здравствена и медицинска поддршка, како и да се минимизира ризикот во изложената средина, како што се здравствените установи за долготрајно лекување.
Исто така, треба да се воведат и превентивни мерки за работното место, во училиштата и на другите посетени други места, да се контролира ризикот од внесување на вирусот од странство и конечно на населението да му се довери одговорноста.
„Секој поединец носи дел од својата одговорност во борбата против епидемијата“, истакна Тедрос.